20121212 粤班教材

Charlene：薰啤啤呀，今日放学我哋点呀？
朱薰：咩点啫？
Charlene：你阿妈今晚又夜返屋企又冇人嘞嘛！
朱薰：今晚要读书呀！听日先啦！
Charlene：咩啫？噉你听日屋企有人吖嘛，一系噉嘞，我今晚上你屋企一齐读呀！
朱薰：都话唔得咯！第日先啦！
Charlene：耶！
Charlene：我系Charlene，今年读紧中六，同朱薰呢拍拖已经有五年几嘞，佢成日都唔嗲唔吊噉架，不过我又钟意佢唔嗲唔吊，因为我知道我要佢保护嘅时候呢佢就会出现架啦，中一嘅时候佢高我成个头咁多架。第一次喺学校见到佢，佢剪咗一个陆军装。我喺canteen度买咗一个面食，好鬼死硬，但系个校工呢又唔肯换畀我。朱薰响我隔篱见到我妙晒嘴噉，问都唔问就攞咗个面同校工理论嘞！
朱薰：你再唔换碗面畀我，我就即刻话畀校长听呀！
Charlene：个校工呢就即刻换咗碗面畀佢，重放多两条肠落去添呀！
朱薰：嗱，留返柱肠畀我呀！
Charlene：哦！
Charlene：呢句就系佢第一句同我讲嘅说话嘞，冇几耐我哋就一齐走嘞。虽然我觉得佢呢排对我冷淡咗啲，可能系升上预科功课压力大啩，我有阵时都会煲啲凉茶佢饮架，不过佢又怕苦，所以呢我又会加啲糖水，嘻嘻！总之呢我觉得佢重钟意我啦！
朱薰：你……今晚……得唔得闲呀？
Gillian：做咩呀？想约我呀？
朱薰：唔，冇呀，我想睇吓你即系得唔得闲咋嘛！
Gillian：即系点呀？你都未讲去边，就想我同你出去呀？
朱薰：冇呀，睇吓你睇咗嗰套《心动》未咋嘛！有冇兴趣呀？
Gillian：唔……我未睇呀！
朱薰：噉……今晚八点喺总统等呀！
Gillian：我都……我话未睇咋嘛，但系我都冇话应承同你去睇呀！
朱薰：呀……噉……即系……即系
Gillian：玩你咋，今晚八点见啦！
朱薰：呀……喂喂喂喂，即系你唔好话畀……
Gillian：得喇，我唔会话畀你个Charlene听架

Gillian：我系Gillian，今年Form Six，我拍过三次拖，两次同女仔，一次同个男仔，我钟意畀人惜嘅感觉，所以我对每一个人都好好，等佢哋都对我好好吖嘛，Charlene对我好好架，因为佢系我好好嘅朋友，朱薰都对我好好啫，因为佢钟意我啰

Charlene：佢吖，今晚呀又话温书喇，又话唔同我一齐嘞，噉呀人哋几晚都冇吖嘛！
Gillian：冇咩呀？
Charlene：冇咩，冇揽啰，好惨架，不如我哋今晚唱K啦，唱通宵等我忘记佢呀！
Gillian：哎吖……又唔系分手，等你分手先啦！
Charlene：我啋，乜你噉咒我架！
Gillian：讲吓笑咋嘛！咁认真做咩啫，惊我抢咗佢呀？
Charlene：唔……唔会嘅，我知道薰猪唔会趸低我嘅！
Gillian：哎吖……知喇知喇！知你哋好喇！
Charlene：唔……你都好呀！唔讲喇，今晚Q你啦！拜拜！